Belgiabesøk
Ein av våre elevar, Kjell Even Toftesund, har skrive om veka då vi hadde besøk frå Belgia:
Dette året fekk vi EU-midlar slik at vi fekk dekt kostnadane for 10 utvekslingsplassar på UVS. Vi fekk tilbod om å vere med på prosjektet ei veke før utvekslingsstudentane frå Belgia skulle kome, så det heile kom litt brått på. Eg trur eg kan seie på vegne av alle som var med på prosjektet at besøket frå Belgia var svært morosamt og lærerikt. Allereie fyrste dagen, då dei kom, blei vi ganske godt kjent med kvarandre. Dei belgiske elevane var svært enkle å bli kjent med, så det heile gjekk ganske greitt.
På skulen la dei norske elevane fram powerpoint-presentasjonar for dei belgiske elevane som inneheldt informasjon om det norske skulesystemet og om kultur, det same gjorde dei belgiske elevane for dei norske. Vi blei blant anna fortalt at elevane ikkje kunne seie fornamnet til lærarane, noko som er heilt vanleg i Noreg. Dei måtte t.d. kalle læraren sin Mr. Vaesen i staden for fornamnet hans. Det var uhøyrt å bruke fornamnet til læraren sin. Andre forskjellar var t.d. kva dei åt på skulen. I Noreg er det vanleg å ha med seg matpakke på skulen, men i Belgia fekk dei servert varm mat i kantina kvar dag, og dette måltidet fekk vi inntrykk av at var ganske så stort i forhold til våre ”lusne” matpakkar med brunost.
Men alt i alt var vi berre vanlige europeiske ungdommar så forskjellane var ikkje så alt for store.
Ein av dagane då dei var her, besøkte vi Sandanger i Gjerdsvika. Der fekk vi vite om fiskeproduksjonen deira og satsingsområdet deira. Dette var ein liten bit av norsk næringsliv, og vi fekk vite litt om kva land dei eksporterte fiskeprodukt til.
Heile veka var ei lærerik periode der vi fekk vite ein del av den belgiske kulturen, og dei fekk leve i vår kultur. Eg trur at alle som var med på prosjektet synest det var ein kjempeoppleving og at alle ser fram til opphaldet i Belgia i mars.
- Kjell Even Toftesund