Skoleskyss i vidaregåande skole

Elevar med varig eller kortvarig funksjonshemming, skade eller sjukdom som gir behov for skoleskyss, har rett til dette uavhengig av avstand.  Fylkeskommunen gjer vedtak i slike saker etter at vi har motteke tilråding frå sakkunnig og informasjon frå skolen. 

Skolane sender erklæring frå sakkunnig saman med skjema for skyssinformasjon vidare til fylkeskommunen. Vi behandlar søknadar så raskt som råd og iverkset skyss, etter at vi har motteke nødvendige opplysningar.

Opplæringslova gjev ikkje skyssrett dersom eleven har tilbod om leksehjelp, eller mottek eit avlastningstilbod før og etter skoletid.

Søknad om tilrettelagt skyss må du sende via skolen.

Elevar som har delt bustad vil vere folkeregistret på ei adresse, sjølv om dei delar tida mellom to heimar. Formålet med skyssreglane og hensynet til barna det gjeld, tilseier at det avgjerande må vere at barnet faktisk bor to stader. For å ha rett til gratis skoleskyss, må elevens opphold hos kvar av foreldra vere ei rimeleg fast, planlagt og regelmessig ordning, og ikkje improviserte enkeltbesøk. (Sitat frå Udir-2-2019)

Du må levere skjemaet «Stadfesting av delt bustad» når du søker om skoleskyss. Legg skjema ved som pdf i din søknad i skoleskyssportalen. Om dette vert vanskeleg, kan skolen hjelpe deg og opprette søknad til to adresser og legge ved stadfestinga.

Elevar som er innvilga skoleskyss for første gang, vil få utlevert skoleskysskortet på skolen. Om eleven alt har skoleskysskort, vert dette oppdatert automatisk. Ta godt vare på skoleskysskortet, dette blir nytta alle åra eleven har rett til gratis skoleskyss, både i grunnskole og i vidaregåande skole. Ved feil på kortet, eller ved tap av kortet, meld det inn via vårt web-skjema.

• Skysskortet gir rett til skyss til og frå skolen ved skolen si ordinære start- og sluttid.
• Kortet er eit elektronisk reisekort som skal registrerast ved kvar påstiging.
• Kortet fungerer som ein billett med to reiser kvar dag, inkludert overgang. Ei reise til og ei frå skolen.
• Du kan ikkje bruke kortet i samband med ekskursjonar, utplassering eller andre aktivitetar i skoletida.
• Gjeld berre på dagar med undervisning på skolen.
• Kortet inneheld opplysningar om strekning og reisetid som berre gjeld deg personleg.
• Det er ikkje lov å låne ut kortet til andre. 

Gløymd kortet?

Du får vere med om morgonen, sjølv om du har gløymd skoleskysskortet. Du må sjølv ta kontakt med skolen for å få eit midlertidig kort til heimreisa. Utan kort må du betale for heimreisa sjølv.

Misbruk av kortet eller sniking på bussen / båten kan medføre gebyr. Kontrollar blir gjennomført.

Av og til må kortet bli oppdatert. Dette skal gjerast i desse tilfella:

• Elevar med godkjent søknad om fri skoleskyss må oppdatere skoleskysskortet årleg ved skolestart.
• Ved endringar i adresse, skolestad eller ny reisemåte (hurtigbåt).
• Når du får nytt skoleskysskort.

Slik oppdaterar du kortet

Oppdateringa gjer du ved å legge kortet på kortlesaren på buss/hurtigbåt heilt til billettmaskina lyser grønt eller raudt. Det er viktig å ikkje avbryte denne oppdateringa. Vær tolmodig, det kan ta lenger tid enn venta.