Handlingsplanen

Område 1

Profesjonsfellesskapet, del 1

Vi vil arbeide vidare med å heve digital kompetanse i kollegiet og i elevgruppa. 

Tiltak:

1. Ulstein vidaregåande skule har i mange år vore ein av dei fremste skulane i fylket innan arbeidet med digital kompetanse. Det er ein posisjon vi skal vere i også komande skuleår. Vi vil arbeide for å auke digital kompetanse og dømmekraft på ein systematisk og målretta måte for å møte endringane i samfunn og arbeidsliv. 
2. Skulen har i fleire år brukt Teams og OneNote i læringsarbeidet og i det administrative arbeidet. Det har vore, og er, strekk i laget og for personalet vert det sett ei meir felles retning når det gjeld bruken av Teams og OneNote. Tavlenotat skal lagrast i OneNote, enten ved bruk av digital tavle/PC eller foto. 
3. Elevane skal gjennom ei standardisert grunnleggande opplæring innan IKT ved skulestart. Den grunnleggande opplæringa må skje i alle fag gjennom heile skuleåret for å halde ved like kompetansen. 
4. IOP-skya skal nyttast som verktøy for kontaktlærar og lærarar som har eleven, i samband med klasseteammøte og ved tilretteleggingstiltak for elevar. 
5. Skulen skal jobbe med korleis KI kan nyttast i opplæringa.