Område 4
Fullført og bestått
Vi vil arbeide for at flest mogleg av elevane fullfører og består innanfor normert tid. Målet vårt er 90% per skuleår.
Tiltak:
Indikator og målsetting - fullført og bestått
1. Ulstein vgs har i mange år hatt gode gjennomføringstal og vi skal halde fram med det gode arbeidet i skulen for å sikre det høge nivået. Godt kvalifiserte lærarar med god fag- og relasjonskompetanse er viktig for gjennomføringa. Det same gjeld stabilitet i kollegiet – på alle plan. Skulen har god helsesjukepleiardekning i regi av Ulstein kommune. God skulehelseteneste er ein viktig faktor i elevane sin skulekvardag. Skulen skal jobbe for at det gode tilbodet held fram.
2. I tråd med ny opplæringslov skal samarbeidet med PPT utvidast.
3. Auka vektlegging på kvalitet i karriererettleiinga, ved bl.a. bruk av Nasjonalt
kvalitetsrammeverk for karriererettleiing som verktøy.
4. Aktiv bruk av rutinen Tiltak når elevar står i fare for å få karakter 1 og IV.
5. Elevar som får 1 eller IV til standpunkt i eit fag har rett til meir opplæring i faget påfølgande skuleår eller ved seinare høve. Ulstein vgs ønskjer å styrke laget rundt eleven, medan han/ho er ordinær elev i faget.